Rendesia e Termoizolimit ne Kursimin e Energjise ne Shqiperi

Në dt. 15 janar 2009 ,ne ambjentet e Hotel Sheraton ne Tirane , u zhvillua Konferenca mbi bashkepunimin Shqiptar –Grek ne sektorin e energjise.

Kjo Konference u organizua nen kujdesin e vecante te Ministrise se Ekonomise, Transporteve dhe Energjetikes

se Shqiperise .

Në takim morën pjesë z. Genc Ruli, Minister i Ekonomise, Transporteve dhe  Energjetikes se Shqiperise , z. Rafael Moissis , Perfaqesues I Ministrit te sapo zgjedhur te zhvillimit te Greqise( Hadzidhasus), Ministri  i Zhvillimit te Greqise, z.Neritan Alibali - Zv Ministri i Ekonomise, Transporteve dhe  Energjetikes dhe personalitete te tjera te larta nga te dyja vendet.

Konferenca vuri theksin ne rendesine e bashkepunimit dypalesh ndermjet Greqise dhe Shqiperise, ne sektorine e energjise.

Ne kete Konference e mori fjalen dhe  z. Kostandinos Ydraios, President I Kompanise Izoterm dhe perfaqesues i Dhomes Greko –Shqiptare.
 

Izoterm njihet si kompania me e madhe ne vend per prodhimin e materialeve termoizoluese.
Ne fjalen e tij z.Ydraios e cilesoi Termoizolimin si një nga alternativat e realizueshme e cila mund të lehtësojë krizat energjitike nëpër të cilat kalon Shqipëria pothuajse çdo dimër.

Termoizolimi konsiderohet burimi i pestë i energjive të rinovueshme edhe pse vëtë proçesi nuk prodhon energji, për faktin se kursen energjinë duke e mbajtur brenda mjedisit të termoizoluar. Avantazhet e termoizolimit : kursimi i energjisë elektrike, krijimi i një klime komode si në dimër ashtu dhe në verë, rritja e vlerës së ndërtesës, mbrojtja e mjedisit,etj, të ilustruar skematikisht do të tërhiqnin vëmendjen e të pranishëmve në sallë.

Marrja e shembujve konkrete, krahasimi i humbjeve termike dhe konsumit të energjisë elektrike  në një ndërtesë para dhe pas termoizolimit ishin boshti kryesor i këtij fjalimi duke bërë kështu të qartë për të gjithë te pranishmit  rëndësinë e tij. Një ndërtesë e termoizoluar  krahasuar me një ndërtesë të patermoizoluar do të konsumojë 50 % më  pak energji , qoftë për ngrohje apo ftohje

Termoizolimi si proçes ndikon në rritjen e rezistencës së energjisë për të kaluar nga një mjedis me temperaturë më të ngrohtë në atë më të ftohtë dhe e kundërta.Në këtë mënyrë zvogëlohet koefiçienti i humbjes së energjisë duke ndikuar në zvoglimin e  kostos financiare të një familjeje.

Gjithashtu u theksua kosto e ulet e Termoizolimit e cila  nuk e kalon 1% të vlerës totale të godinës. Po ta llogarisim, kjo kosto do të kompesohet për rreth 4 vjet, si efekt i kursimit të energjisë elektrike.

 Legjislacioni Shqiptar ( neni 8937 Shtator 2002) parashikon që çdo ndërtesë e re të shoqërohet me izolimin termik të saj( termoizolimin). Gjithashtu sipas vendimit të Këshillit të Ministrave ”Për   Miratimin e Planit Kombëtar Për Zbatimin e Marrëveshjes së Stabilizim-Asocimit” Termoizolimi është një nga kushtet kryesore të cilin duhet ta zbatojë vendi ynë.

Fjala e z.Ydraios u ndoq me vemendje nga te pranishmit, cfare deshmoi edhe nje here rendesine e termoizolimit per efecensen e energjise.

Foto nga aktiviteti