Produkte Ndërtimi

Shkarko PDF

IZOPLLAKA BLU

Pse duhet përdorur IZOPLLAKA BLU ?

Përfshirja e termoizolimit në projektimin fillestar të ndërtesës redukton ndërhyrjet e mëvonshme në të dhe aplikimi i materialeve termoizoluese, siguron dhe rrit vlerën e ndërtesës duke eleminuar kostot në të ardhmen.
Për këtë qëllim, është prodhuar paneli Izopllakë Blu, si zgjedhje ideale, si nga ana tekniko-profesionale, ashtu edhe në raportin cilësi-çmim, duke bërë të mundur krijimin e parametrave dhe standarteve të larta të cilësisë së ndërtesës.
Në saj të strukturës, Izopllaka Blu realizon termoizolim perfekt në krahasim me çdo material tjetër duke qenë rezistente ndaj absorbimit të lagështirës (është hidrofob) dhe shtypjes, duke patur një qëndrueshmëri dimensionale në kohë dhe gjatë ndryshimeve të temperaturës si rrjedhim i dendësisë homogjene në të gjithë masën. Izopllaka Blu ka veti termo-akustike duke eleminuar njëkohësisht humbjet e nxehtësisë dhe zhurmat e ndryshme. Paturat nga të katër anët lehtësojnë vendosjen e tyre dhe eleminojne nyjet termike. Përmasat e Izopllakës Blu bëjnë të mundur arritjen e parametrave të termoizolimit në saj të përcjellshmërisë termike të ulët dhe mundësojnë shfrytëzim më të madh të sipërfaqes së banuar, ndërkohë që për materialet e tjera do të duhej një spesor 2- 3 herë më i madh se sa ai i Izopllakes Blu. Përdorimi i Izopllakë Blu bën të mundur uljen në 40% të konsumit të energjisë vjetore duke kursyer energjinë dhe krijuar komoditet në banesa.

Cfarë ështe Izopllaka Blu ?

Izopllaka Blu është panel i prodhuar nga polisterol i derdhur, vetëshues, me patura të stampuara nga të katër anët. Prodhohet me një teknologji tërësisht të re, bazuar në metodën e injeksionit për prodhimin e pllakave të derdhura sipas kallëpit.
Izopllaka Blu  klasifikohet sipas normës europiane CE: EPSF 100 (antizjarr)

Dimensionet e këtij produkti janë:
2500 x 600 mm dhe 1200 x 730 mm, me trashësi (spesor) 30, 40 dhe 50 mm.

Foto të produktit