Produkte Ndërtimi

IZOBETON ADITIVATO

Pse duhet përdorur IZOBETON ADITIVATO ?

Izobeton Aditivato është një produkt, perfekt për nënshtresë pllakash dhe dhënie pjerrësish me qëllim lehtësimin e elementëve të ndërtesës dhe izolimin termo-akustik të konstruksioneve të ndryshme .
Izobeton Aditivato, shërben për përgatitjen e betonit të lehtë duke ndikuar në rritjen e  rendimentit në ndërtim. Ai përdoret lehtësisht edhe në  ndërtesa shumëkatëshe duke shmangur ngarkesa të panevojshme .
Përdorimi i Izobeton Aditivato-s në aplikime të ndryshme, nuk lejon formim boshllëqesh duke dhënë një uniformitet perfekt dhe rrit rezistencën ndaj peshave duke eleminuar efekte të padëshirueshme (si lëvizja e pllakave etj).
Një avantazh tjetër i Izobeton Aditivato-s është se nuk thith lagështirën, pasi vetë polisteroli është hidrofob, në ndryshim me betonet e lehta të prodhuara me teknologji tjetër.
Duke plotësuar disa kërkesa njëkohësisht, si termoizolues, hidrofob, izolues akustik, me peshë të lehtë, shpejtësi në shtrim dhe një kosto relativisht e ulët, ky produkt ka avantazhe të mëdha ndaj produkteve të tjera dhe përbën një zgjidhje për ndërtuesit dhe konsumatorin përfundimtar.

Çfarë është Izobeton Aditivato?

Izobeton Aditivato është i përbërë nga kokrriza polisteroli të përziera me elementë shtesë të cilat japin një produkt homogjen me karakteristika fizike – mekanike konstante.

Aplikimet

• Nënshtresë izoluese për pllaka, parket
• Mbushje të hapësirave midis dy mureve (sistemi interkapedinë)
• Izolim termik dhe akustik për soleta, tarraca
• Izolim termik për papafingo (nën çati)
• Për formimin e pjerrësisë së tarracave
• Nënshtresë izoluese mbi themelet
• Nënshtresë niveluese tek soletat me polisterol
• Nënshtresë izoluese tek soletat me tulla ose monolite
• Nënshtresë izoluese tek soletat me dru

Foto të produktit