Kompania Historiku

Rreth kompanisë

Izoterm është pjesë e  Alba-Road, e cila  operon kryesisht në industrinë e materialeve të ndërtimit.
Izoterm u themelua në vitin1996. Kjo do të shënonte hapjen e fabrikës së parë të polisterolit në Shqipëri, me qendër në qytetin industrial të Elbasanit.
 Fabrika  në  Elbasan e zhvillon aktivitetin e saj në një ndërtesë me sipërfaqe 4,000 m² dhe e gjithë ndërmarrja ka një sipërfaqe prej 11000 m². Vendndodhja është në zonën industriale të Kombinatit Metalurgjik.
Fabrika nisi aktivitetin e saj me prodhimin e polisterolit të presuar në tako, pllakave termoizoluese dhe elementëve për soleta.
  Në vitin 2000 inagurohet  fabrika e dytë, në autostradën Tiranë-Durrës, km 4 me një  infrastrukturë model dhe me një pozicion mjaft të përshtatshëm në zonën industriale të Tiranës.
Fabrika në Tiranë  është me një sipërfaqje 5,000 m²,  parametra teknike dhe karakteristika të destinuara për prodhimin e polisterolit. Sipërfaqja ku ndodhen komplekset e ndërtesave është 8000 m².
Në Nëntor 2001 vihet në punë linja e re  e prodhimit për Izobeton Aditivato-n

Në Maj 2002 instalohet linja e prodhimit të materialeve për ambalazhimin e produkteve bujqësore, arka peshkut dhe  bikerina serash .
Në Maj 2003 starton prodhimi i Izopllakës Blu me teknologji tërësisht të re, të bazuar në metodën e injeksionit dhe pllakave të derdhura sipas kallëpit.
 Në Qershor 2003 hidhet në treg produkti Izotegola (panel termoizolues prej polisteroli EPS) 
  Në Maj 2004 produktet pasurohen  me materialet dekorative( korniza dekorative dhe rozeta) të përfunduara në polisterol EPS.
 Në vitin 2004 bëhen investime te rëndësishme në godina, teknologji dhe makineri , duke mundësuar  kapacitet të lartë prodhues që arrin të plotësojë të gjitha nevojat e tregut. 
.
Në Shkurt 2005 gamës së produkteve i shtohet “Sistemi MANTEL” ( Capotto), sistem për rifinitura të jashtme dhe termoizolim i cili përdoret për përmirsimin e kushteve të ndërtesave për qëllime banimi, industriale, të shërbimit etj, të reja apo ekzistuese.
Aktualisht IZOTERM,  operon në gjithë Shqipërinë, nëpërmjet  rrjetit të zgjeruar tregtar dhe produktet e saj  zënë mbi 60 % të tregut të ndërtimit .
Përveç produkteve të saj cilësore Izoterm, bashkëpunon me kompaninë multinacionale nr.1 në botë për prodhimin e materialeve termoizoluese XPS, DOW CHEMICAL, duke ofruar  pllaka DOW. Ajo është shpërndarëse eksluzive e produkteve Dow në Shqipëri.
 
Në muajin Mars të vitit 2006 Izoterm çertifikohet me Standartin Ndërkombëtar të Cilësisë ISO 9001:2000 dhe është në proçes për marrjen e normës europiane CE.
Izoterm  me investimet e saj të mëdha, rinovimin e herepashershem te teknologjise, rritjen e numrit te produkteve përfaqësohet si kompani lider duke afirmuar tashmë prezencën e saj dinamike në pjesën më të madhe të tregut shqiptar.

Izoterm është anëtare e Dhomës së Tregtisë dhe Industrisë,  Dhomës Amerikane të Tregtisë , Dhomës së Tregtisë dhe Industrisë Greke-Shqiptare, Shoqatës  së Ndërtuesve të Shqipërisë, Eumeps etj