Aktivitete Seminare

Marrëveshje partneriteti ndërmjet Izoterm dhe KESH

Në kuadër të sensibilizimit për rritjen e efiçencës në përdorimin e energjisë dhe politikave ndërgjegjësuese ndaj konsumatorëve, Izoterm dhe KESH-i, nënshkruan në dt 24.04.2008  një marrëveshje bashkëpunimi.
Marrëveshja u nënshkrua nga Administratori i Përgjithshëm i Izoterm, z.Neritan Malo dhe  Drejtori i Përgjithshem i KESH-it, z.Gjergj Bojaxhi.
Gjatë nënshkrimit të kësaj marrëveshje, nga të dy palët u vlerësua rëndësia e termoizolimit, si një nga praktikat më efikase dhe të drejtëpërdrejta, që përdoren sot gjerësisht në vëndet e zhvilluara për reduktimin e energjisë elektrike, pa shkaktuar impakte në mjedis.
Në kuadër të këtij partneriteti ( PPP- Publik Private Partnership) Izoterm do të termoizolojë falas 2 ndërtesa të arsimit parashkollor, njëra në një zone urbane dhe tjetra në një zonë rurale.
Në kuadër të kësaj nisme KESH-i do të vendosë ( nëpërmjet faqes së prapme të faturës )  gjithë informacionin e nevojshëm për publikun  që ka të bëjë me praktikat termoizoluese. KESH  do të kërkojë nga organet e pushtetit  lokal dhe gjithë institucionet përkatësë, që të përfshijnë termoizolimin në të gjitha ndërtesat publike, të cilat i nënshtrohen rikonstruksionit të pjesshëm apo të plotë.

Foto nga aktiviteti